2010.04.19 (mon) <3歲11個月> 今日幼稚園安排家長觀課一小時，mami 同daddy都有去，了解到"學校生活樂趣多"，番學真係好開心。恩祈好專心聆聽，不過daddy話佢不太敢舉手答問題，我留意到佢只係好禮讓，佢見到多人舉手就唔爭，冇乜人舉手佢又會舉，而且上堂又定同唔會亂講嘢(唔似我細個時)，都乖。做早操又跟到好得意。觀課完畢後校長同主任又同家長傾計，校長話幼稚園生活要開心學習，尤其幼班K1主要是學習自理、社交方面，個底打得好至學寫字其他嗰啲(現時專注力有限不要學太多興趣班盞浪費金錢)，我好認同，迫乜嘢呢？識寫a-z同1-100好叻咩？一兩年後係人都識啦有何分別呢，打好基礎同愛上學習先啦，校長話一上低班K2教字學嘢就會好快好多，要有心理準備。
雖然校舍唔大，但學校有heart同好有經驗，我愈嚟愈鍾意。
沒有留言:
張貼留言