親子麵包製作

2010.04.08    今日恩祈幼稚園的家校合作小組，在荔景明愛樂道坊搞咗個"親子麵包製作"，本來每組連材料費收費$70.後來又改為由學校資助(保良局)只係比車費$13就有靚靚旅遊巴由東涌送到，唔去就笨啦。
三位上幼A班同學：

恩祈同昕瑤見到出爐包流晒口水

師傳教整包

成個麵包師傅咁款

我哋整咗核突三款，如果daddy喺度就好啦，佢一定整得靚好多，左起：過肥的蟹、Yankie的Y字同豬頭Hello Kiitty！下面枱面隻蟹就係師傅示範的，都唔算好靚呀！

收集好製成品準備推入焗爐啦！

等待期間師傅至教番由麵粉發烤至搓包，又要撻得好大力同控制得好。我見到就怕，都係買包算啦。

之後就參觀廚房睇師傅塗油上包面，好快焗完啦香噴噴。

焗完發脹咗仲唔似，不過恩祈真係忍唔住要試食啦。

新鮮包真係好味，恩祈係都要留番隻唔似蟹嘅蟹話要留比爸爸食，因為佢知爸爸鍾意食蟹，真細心。