青草地Playgroup@2008.10.11

今日第一次番金巴崙長老會青草地幼稚園的親子遊戲坊playgroup.逢星期六上午09:30-11:00上堂，每堂費用只係$50,簡介內的活動內容有：故事、音樂律動、圖工、體能遊戲、茶點、親子旅行及生日會等。

幼稚園搞嘅playgroup真係唔同啲，又多設備又正統，好似番N1 o甘。

個戶外活動場地好大好多嘢玩，20分鐘恩祈都唔多夠，不過由於事先講明老師講嘢一定要聽，唔係就冇得番學，佢就乖乖排隊去洗手啦。

恩祈最鍾意玩廚房煮飯仔，鈞澄都參與齊齊玩。

恩祈真係大個咗懂事咗，佢番學都有重覆我所講的話：老師說話時不可以跑！而且估唔到佢真係做得到。鍾校長說話期間佢真係乖乖的坐在地上，後來按捺不住都只是站起來冇亂跑，不過一直乖巧的澄澄都講咗佢一句：恩祈，坐番低啦。

恩祈最近愛上聞歌起舞

與映灣園playgroup的同學仔鈞澄同心心大半年後又做番同學啦。

由於是基督教幼稚園，因此食茶點前要先祈禱，但係為食的恩祈已快快手將餅仔放入口中，之後仲食咗成碟(佢番學前已經食咗成個紙包蛋糕同一杯奶)

最開心就梗係玩呢個超大嘅"快樂傘"啦，唔記得講個playgroup係有成26位小朋友加四位老師再加無數家長、親屬連細佬妹bb都有呢，可能係第一堂，所以好多人。