"幼兒鋼琴準備班"第一堂

2010.07.24    今日恩祈第一日番"幼兒鋼琴準備班"(幼兒音樂班)，係聖公會搞的兒童興趣班，每堂個半小時六堂只係$590。第一堂學音符，有功課做又有遊戲玩，佢又係話好開心同鐘意返 :)

有十個4-5歲小朋友上堂，恩祈話仲有一個係佢同班嘅男同學。課程主要係透過節拍訓練及音樂遊戲，加強幼兒的節奏感和拍子感，掌握基本樂理，培養小朋友的自信心及為將來學習鋼琴穩固基礎。

放咗學後望到二手市場開咗，我一眼就見到呢間每個女孩子都喜愛玩的大屋，係全新的賣$180都合理，話比婆婆知佢就話買啦，咁就多謝晒婆婆！

佢有咗間屋又可一個人玩半日，自言自語天花龍鳳地作佢嘅故仔。