恩祈上咗18堂芭蕾舞課，今日我同老公至係第一次觀課。
睇咗十五分鐘，oh!真係太可愛啦，可惜冇得影低，覺得能夠生女真好。
啲舞姿代名詞又好得意，表演咗雙人拖手的"踏單車"、"白雪公主"尖腳、"大字"跳、仲有"落雨"舞步......其他小朋友都似係玩玩吓同好求其，恩祈卻好用心同好認真的跳，我睇到佢個樣我好感動，雖然佢天資唔太高但佢做每件事都好專心同唔放棄，小朋友來講好難得，爸爸話會努力賺錢比佢上佢鍾意嘅興趣班(佢想學嘅除咗之前講過的畫畫同彈琴之外，最近又話想學跆拳道、爵士舞，仲有連古箏都話想試！救命呀！)
芭蕾舞老師Miss Wong讚佢好得同好醒，叫我放心。上低班至會正式學考級試的課程。我初時都以為佢係貪靚貪玩三分鐘熱度，估唔到佢咁鍾意，就由得佢繼續學啦，不過跳芭蕾舞係好辛苦的，捱唔到就算啦。
沒有留言:
張貼留言