番學前有問佢記唔記得上年在miss Daisy度上堂，初時佢不大記得，後來佢想起話記得有抹窗呢，之後又比番啲蒙特梭利的學習video佢睇佢又好熱情地講出老師和教具名稱。一上到兒童無限，今日冇親子班，因此大仔同細仔班的課室都打通開晒，恩祈立即開心到跳入去取教具玩，完生無陌生，仲叫我走等陣至接佢放學呢，放心晒！
03:15pm放學，我早十分鐘上去，見到恩祈上咗超過個半鐘的堂仍好活躍同主動(01:30開始上堂全程1小時45分鐘冇休息食茶點的無聊嘢)，仲好聽老師指導，有兩位導師而只有約十位學生，由於學生以主動學習為主因而導師可專心指導有需要的學生，這是傳統幼稚園無法做到的，到其他學生放學後我就留低聽Miss Helen講番恩祈的表現。
老師話恩祈都算專心同主動發問，有同其他同學互動，但當玩Jelic(多元智能寶盒)時，不懂自己完成，而miss提示下她亦會做錯，Helen話她的空間感較弱，上下左右都會搞錯，教我一些方法和花多些時間教她，例如砌十塊以下的小puzzle同玩多啲攀爬遊戲以增加空間感。今次只玩咗兩個盒仔(好似每個grade要玩60個寶盒)，而且未完成一個盒仔(大約有10頁玩)佢又心思思想出去細仔房玩，因此我要求下周起番星期四，因為個日有toddler class會分開兩間房，我覺得會讓佢更能專心，而且最多只有7位學生上堂。
放學後問番恩祈，佢話好鍾意在IC番學好開心，又話好喜歡啲同學和老師，話今日同一個姐姐玩碌麵粉整pizza(當然係假的)又分派比其他人食......見到佢番得開心就知我冇揀錯亦冇因為要去太子接送而後悔(更可以有我的私人時間)。
這個3-6歲混齡班主要是以蒙特梭利數學及自然科學再加Jelic多元智能寶盒為主題。蒙特梭利之前都有講過其以具體教學的優點，而Jelic的介紹就節錄如下：
JELIC多元智能寶盒是一套完整及系統化的腦力開發學習工具，全套包括450個寶盒，超過3000多個多元智能遊戲，激發幼兒全腦潛能。JELIC是由國際幼教專家、數學家和心理學家共同設計，融合蒙特梭利 (Montessori) 的教育哲學、加納 (Gardner) 的多元智能理論和皮亞杰(Piaget) 的心理學。
JELIC 多元智能寶盒主要分為六個學習區：智能啟發、數理演繹、組合思考、生活技能、語文表逹、美感創造。
JELIC多元智能寶盒的特色：著重動手做去學習，自發性學習，深層思考，創意無限，培養秩序感和尊重別人
沒有留言:
張貼留言