IC Montessori toddler class lesson 3 & 4

2008.07.24    Daisy番咗加拿大，由Ralph擔大旗，佢係前無線主播，外表溫文爾雅，講話當然有魅力，佢講一句好過我十句，佢叫恩祈做乜都肯做，恩祈自然表現好，仲話11月可以番大仔班(Jelic)，我話唔係嘛，佢其實唔多肯主動學嘢，Ralph就話再睇多一陣先決定，可以大仔細仔班兩頭走。

今次cicrle time 唱phonic songs 時走過去睇咗一陣又飛跑了......

2008.07.31    今次Ralph要家長坐開一邊，比啲小朋友自己獨立工作，大人不要干預，初時啲小朋友都有過來搵媽咪，搵多兩次嫌麻煩果然冇乜再番來。

恩祈呢排都愛自己搵書嚟睇，Uncle Ralph教佢讀書同執番啲工具，恩祈又聽佢點喎!(應該話係聽佢指導至啱)

上次玩倒水整污糟咗條裙，今次我醒啦，見到有小朋友圍裙即刻同佢著上，玩完後真係成條圍裙又濕晒。

恩祈係大姐姐而且係最安定和專注的一個，連Ralph都同佢影好多相，每次佢專心工作都有其他小bb來騷擾，不過佢最多話人兩句就會繼續，試過被小弟弟搶走一籃子玩具又倒瀉咗，佢話：倒瀉咗啦，執番啦！呢位22個月小妹妹桐桐就總是黏著姐姐一齊玩。

當circle time 開始叫clean up時，佢又當聽唔到繼續努力抹窗。 

食完飯在太子個商場見到有間shop有好多日本出的木製玩具，有啲類似montessori的玩具(montessori係話兒童玩具最好是木製的，有質感、有重量、有香味)，好精美又不太貴，最終買咗呢set切切玩具。

重有木做放大鏡，最近Yankie睇到Dora用放大鏡照毛毛蟲唔係幾明，買咗個實物佢就明啦，第時重可以用來去郊外照昆蟲同植物呢！又買咗副淺色的Ariel sunglasses,唔好再話帶咗sunglasses黑蚊蚊啦！

個商場重有巴士模型展覽，但係恩祈點都唔肯望住鏡頭。