畫畫與彈琴(四歲十個月)

 

2011.04.11
由於現在逢星期一晚學琴，因此無再參加學校的創意畫班。Miss Helen也說同一種類的興趣班只需參加一個就可以，學校畫班的畫雖然明顯靚好多(最上面五幅)，但個個學生都像是臨摹畫的都一樣，現在四歲階段應以自由創作甚至天馬行空培養想像力最好，因此我選了只參加聖公會的圖畫班(最後三幅)，張老師只照顧幾個學生，又會用畫畫提材教埋英文單字，恩祈仲話老師識日文同法文，上次就教佢法文的糖果係Bon Bon,而Hello係'he'唔係用'ha'發音，有時我仲見到啲小朋友一路畫畫佢就一路吹口琴伴奏，可能係想提高佢哋嘅藝術氣質，總之恩祈就學得好開心。

學咗個幾月琴，在唔多肯練習下終於彈到啲簡單兒歌。 初時佢唔肯練琴，有時求其又發夢，又要催又要請搞到我喊打喊殺。絕對地破壞母女感情。佢唔鍾意練淨係鍾意彈，好多時都甩甩漏漏。都唔知可唔可以繼續落去...... 佢識唱的兒歌就好快上手，不過佢唔鐘意手指練習嗰啲話好悶喎。Miss JoJo教得佢好好，係我冇耐性，迫佢練嚇親佢。我而家都睇開咗，由得佢，反而佢就用心咗，希望情況會繼續改善。