澳門三日遊@ day 1 2012.08.01

 

2012.08.01   為慶祝老公生日，近近地去了澳門三天。因為$198生日來回船票優惠，去了中港城搭金光飛航，卻不知好少位，搭不到十時去外港的船，要搭十二時十五分，仲要去氹仔，好在我地志在relax.冇乜行程就冇所謂啦。

今次係恩祈第二次嚟澳門啦！不過佢一啲印象都冇(上次來只有歲半)，仲好有新鮮感！到氹仔碼頭見車就上，上了新濠天地的接駁車，再轉去外港碼頭。

搭了三程免費車，三點終於到了第一晚住的酒店： Sofitel Macao 十六浦索菲特酒店

check in 後仲可以在Bar的menu內揀cocktail做wellcome drink.正呀！

用鮮果打的，看恩祈的樣子就知有啲酸。

book這間酒店是因為早前老公join了Accor Club，送一晚旗下的任何酒店，一致好評又近近地就選了這間。

雖然早知這是五星級酒店，但想不到一切都咁靚同有豪華的feel，好surprise!

泳池雖然不太大但設計好靚又好遊。

住呢度好方便好近景點，但天氣實在太侷(外圍打緊風)，好消耗體力不想周圍行(今次主要目的係Hea同嘆下)，只在附近有名的茶餐廳"南屏雅敘"食啲嘢就番去。

這裡最出名的波蛋治好厚又好食，結果又叫多一份。

番房換泳衣去下水禮了。

個泳池底設計帶些法式浪漫風格好漂亮呵！

Sunset @ Macao!

酒店的海風餐廳吃晚餐。

餐廳好大佈置好美食物也好吃，價錢不平但好彩我地會員有半價，兩碟飯大大碟埋單不用兩百蚊(澳門酒店稅好重差不多20%)

房間已做了開床服務並送上一盒......原來是朱古力。

房外有璀璨的澳門夜色，眺望新葡京酒店。