信望愛堂逸東親子學習體驗日兩天遊

過去兩星期都好忙，趁恩祈番學期間我去咗兩間本區小學參觀(靈糧堂同青松)，恩祈逢周日要去Children's church.周一至五上學，而兩個周末就參加咗基督徒信望愛堂逸東幼稚園的親子學習體驗日。

2009.09.19    第一次去唔多熟，都係玩吓玩具熱身，聽故事同做吓手工。

有本passport印齊就有禮物

自製飛機餐做茶點

***************************************************************

2009.09.26    第二周去玩已熟落晒，間幼稚園比富東的新和大，啲教具同佈置都非常好。

配合強勁音樂節奏玩快樂傘真係令兒童非常快樂。

洗完手仔又排隊番課室吃茶點，自己整的紫菜果占三文治特別好味。

到咗活動區體能時間，呢度勁多玩具玩到唔捨得走。

除咗一些小禮物、奶粉之外，完成學習體驗日的同學仲有每人一個日本版的多啦A夢計時器呢！玩完之後快快趣食個飯後又要趕下一場，有專車由逸東接番去我哋富東的青松候寶垣小學，今日有親子嘉年華，原來在學校禮堂有飯盒同飲品，早知之前唔駛食得o甘趕......依家啲學校真係好大方。

呢間小學仲有playroom比小一學生玩吓同過渡期適應又幾細心，又有電腦室同電視台等好多活動，留意到校長同老師都好熱心同好高質素，我亦見啲學生表現出好有自信同好享受校園生活，呢間亦係公認東涌最好的一所小學加上就位於我樓下附近(仲會放學送學生到每座屋苑電梯大堂)所以亦應該是我的第一選擇。