弘志國際幼稚園開放日

今日下午去咗海堤間新開的弘志幼稚園玩吓，呢間係愉景灣果間國際學校的分校，但係個校舍同太陽島一樣o甘細，青草地地方大過佢好多，我見好多歲幾嘅bb interview.我估都係番playgroup.呢啲學校唔係我哋番啦，成四、五千學費，除咗賣點係international school我都唔覺有乜特別，活動地方o甘少邊好玩架，不過我都鍾意佢教嘅係Jolly Phonics.

我著緊套空中小姐制服

靚唔靚呀？

Coffe or tea？

我哋都係嚟運吓吉，反正今日冇得番playgroup就嚟玩吓做吓手工......呢度有個大衣架掛晒啲角色扮演嘅制服，雖然大件咗啲，恩祈就做吓model扮制服誘惑啦！

我最鍾意扮小仙女！

著警察制服夠神氣。

但係我唔鍾意帶madam帽

有啲學生的畫和作品，我頂帽就係自己做的手工。

又有得玩廚房煮飯仔，太好啦！不過真係估唔到私校個玩具廚房係cheap過青草地o甘多，仲有佢個學生廁所個洗手盆好有問題，恩祈o甘細都嫌矮，比bb用的廚紙非常劣質，呢啲細微details位其他家長唔知有冇留意呢？係咪剩係見到鬼佬講英文(或者遲啲會變印度人教都唔定)就係好學校呢？

套粉藍色水手裝校服同書包就真係幾靚，唔似青草地黃澄澄o甘ugly.