第一套蒙特梭利教具

在陶寶網買咗一套20件的家庭裝蒙特梭利教具，只係$760人仔，上星期一晚用visa付款，賣家星期二下午寄貨，星期三的中午就送到屋企啦！一打開有啲失望，雖然話明係細件家庭裝，但在教室玩開的是專業版，相比之下真係細件同輕身好多，尤其係圓柱體插座，只有原裝的十份一咋(不過價錢都係十份一)，真係超迷你，後來想深一層，平平哋有套正式教具(全套專業版在陶寶網也要近萬元負擔不起)，而且因體積小巧，收藏和取出都較容易和方便，加上size配合恩祈的手指大細，佢反而玩得更有興緻呢！

好興奮像尋寶將教具一件件拆開

數學教具有數棒、串珠、Spindle set、Constructive Triangles、加減乘除法板、接龍與郵票游戲等等，比較深要收起大啲至玩得......由3歲玩到6歲，具體地去學數學。其他仲有學寫字的筆劃砂字版同幾樣感官教具。

暫時只係玩一些感官教具

最鍾意玩的是粉紅塔

棕色梯也是學1-10同大細高矮的感官教具，比較大件似樣啲。

玩"分數小人"同袖珍型"神秘袋"。

超迷你版圓柱體插座，外型好小巧可愛，恩祈愛不釋手，比玩專業版更用心。

色板配對太容易了。

恩祈拿"二項式"Biomial cube當積木砌。

砌砌吓就會明白其中道理，努力啊乖女！