第一次家長日

2010.01.30    今早送咗恩祈番芭蕾舞班就等見班主任林老師，這是上學期結束第一次見家長講番學生在校情況。未夠鐘隔住音樂室玻璃去偷睇恩祈仲偷影咗video好似做賊咁，個書記係咁睇住晒同趕我哋走......我見恩祈好專心雖然佢發現咗同望住我但都能跟到Miss Wong的指示做動作，good girl!

之後見林老師，佢係一個好好同好有愛心的老師，又成日進修，佢話恩祈完全冇問題叫我放心，因我成日話恩祈唔夠大膽同欠缺信心，佢就話恩祈在校內冇此問題，好肯出嚟答問題唔會太怕醜，而且上堂專心又安靜表現很好，跟住我哋就討論同交流咗一些關於教育方面的事，她又展示一些教具同講上堂的流程，令我了解好多，而且更覺保良局的資源同教學經驗豐富，又肯試新嘢，我真係冇選擇錯誤，放心將女兒交予學校教導(這就是家校合作啦)，而恩祈亦好喜歡上學，一放假就問點解冇得番學。
學校仲派咗兒童學習歷程檔案同兒童發展觀察記錄比家長睇，會keep起這三年的學生幼稚園檔案，遲啲仲有一張vcd比我哋睇番學生在校生活呢，期待中！

恩祈站在後排最左邊，坐佢前面就係譚子清，個個都話最喜愛子清，好細個好得意。

評估通常都會比第一項最好，恩祈剩係"同人打招呼""中文認字""撕紙"得第二項"經常做到"，要加倍努力。