如果不熟悉蒙特梭利教學法的人看到一班小孩子只在教室內行來行去自己玩而導師不去主動去教會覺得很奇怪，其實在這裡孩子自由去探索學習才是真正目的，導師的角色只是引導和觀察，有問題才用柔性的方法去誘導或示範，對小孩的方式非常正確，另方面作家長的顧問，教我們解決幼兒的各種問題。我早前還擔心恩祈不能集中上堂，因為之前邱生講過約有百分之十的小孩是不適合和不適應這種教學法，就要消失因他們不欲浪費時間。
意想不到的是，恩祈第一次進入蒙特梭利教室，就能熟練地找教具專心地玩，很安靜地玩完一樣自己放回原位再取第二樣玩，她不停的工作，不會像在clubhouse或玩具店一見多嘢玩就樣樣都掂下不知如何自處，我好surprise.
突然IC主持人Daisy拿著我填的報名form(內裡寫滿我上堂原因和我認為恩祈需改善的地方)都幾串的問我："佢有乜嘢問題呀？乜嘢問題都冇喎！"恩祈靈巧的表現令我不知怎回答，可能在家我早已跟足montessori方式擺陣，加上有過日常生活練習，雖然我家無一件蒙特梭利教具但行動上已做過，而且相比其他小bb她當然表現較好啦，但我不能這樣解釋，只好口窒窒說她在家裡好懶又發脾氣，不過這幾日改善好多......越講越衰，又比佢鬧發脾氣因為我哋在她面前做過，有樣學樣冇得救，又問我仲有冇比佢睇甘多電視，我話煮飯做家務有開啲益智dvd佢睇，Daisy話叫佢同我一齊煮飯做家務
，我心想洗米掃地仲可以，炒菜切菜佢齋睇冇得做仲唔嘈呀？叫我唔好再比佢睇電視越睇越令佢唔專心，比多啲嘢佢搞......唉！總之孩子是無辜的，一切不好的行為都是家長做成的，好啦，我會再做好啲配合，可是家裡仲有兩位長老呢！IC的導師出名有料、自信、講嘢直，bk媽咪都有過好多投訴，我就冇問題我鍾意聽真話同受佢個套，但係受唔住嘅人要有心理準備都好hurt架！頭一小時是montessori time. 恩祈忙於找教具玩和不停工作，充滿興趣和主動去嘗試不同的教具。
第一次玩這種puzzle，對2歲的恩祈而言輕而易舉
恩祈最喜歡的工作是舀波子和倒水，看到她專注和有信心的表情真令我好感動
這是蒙氏感官教育的教具圓柱體插座，一共有四組，在IC買一set要$1330，看似簡單，最高難度是將四組分散甚至蒙住眼都可一摸圓柱就能放中相配的圓洞裡，目的是培養辨別大小長短的視覺能力，為寫字前和十進位作預備，並培養邏輯思考能力和敏銳的觀察力。
很快就過了一小時，之後半小時為circle time.有別於一般playgroup只是唱歌跳舞學英文，導師首先用布偶介紹同學名字召小朋友歸位(但係恩祈同一些未回魂小朋友都係睬你都傻，繼續尋找玩意)，然後用立體地圖唱geography song、monkey song同phonic song等，全部都有教育意義，尤其我自己都未學過拼音覺得好有趣，不過對於恩祈來講就暫時冇乜意義，我覺得她只是累了又癡我才坐在我身上，叫她一齊拍拍腿重大聲"喂"我同打我，真係......
臨瞓前傾計恩祈話今日好開心，仲話要去Daisy度，我話打媽媽嘅人重想媽媽帶去玩，佢皺起眉頭好認真話：唔打媽媽架！佢意思係唔可以打媽媽，但係每次有人迫佢做唔鍾意做嘅嘢就一定不加思索就打人(好彩佢只會打屋企人)，我哋只好循循善誘，但有時都唔知佢幾時鍾唔鍾意，就食硬佢一巴。
沒有留言:
張貼留言