今日的茶點係烚粟米粒，食完之後做手工：做對手套。
2009.01.17 堂堂戶外playground都係玩"家家酒",女兒家嘛！
今堂係playgroup上學期最後一堂，齊齊影張同學合照。最右邊是好朋友澄澄，中間的蕎蕎原來係媽咪以前在cpcs的前輩Minnie囡囡，不久前舊同事飯局上才初相識呢！
p.s.今堂又開生日會，食物除蛋糕外就係香腸、魚蛋.....一袋生日禮物中有熱氣芝士波、朱古力批、綿花糖、甘大滋.......我睇咗個袋好耐，佢亦玩咗好耐，揀嚟揀去，我好勉強地比咗兩支甘大滋佢食(好多salt,佢daddy唔肯比佢食，鬧我好耐)，點解唔可以換啲提子乾，合桃乾or餅乾都好比小朋友食，佢哋只有兩歲幾咋，就食啲o甘嘅嘢好可憐可悲，害佢哋呀！恩祈好自覺，佢同我講："香腸好鹹架...唔健康！食粟米....(想一會)仲有食番茄，係健康嘅！"我好moved.佢o甘細識同我講啲o甘嘅嘢，佢有思考，亦有判斷力同自控力，有時在麥記食早餐佢仲會攞塊薯餅比我 :"媽咪妳食呀，好好味架！大人先食得架！"我唔會迫佢，只係講道理，所以我係佢面前飲可樂呀乜都得，而佢亦因為冇食垃雜嘢身體好fit.未嘔過未肚瀉過冇熱氣冇試過喉嚨痛腸胃好，人又開胃又活潑，秘缺好簡單，NO JUNK FOOD！千祈唔好比佢試呀，唔該，救救孩子！
沒有留言:
張貼留言