自學溜冰第二回

2010.09.30    今日約埋伯伯去西九龍溜冰，兩個月冇玩，恩祈好似唔記得晒咁，拉住daddy跌吓跌吓......

後來有個職員哥哥指點咗兩句，佢又番晒嚟識自己行，個哥哥仲教佢跌低點起番身又教我點影相會靚啲，咁好都有喎，又問我佢可唔可以同恩祈影啲相。

佢伯伯(太靚仔冇入鏡)十幾廿年冇溜冰係咁溜，恩祈daddy仲勁學人玩花式，兩位長者小心跌散啲老骨頭呀！玩咗成兩個幾鐘都唔願走。

我話佢剩係識行冰唔識溜冰，佢就話："我都有少少"溜"！"
我話："係呀，妳有少少"流"！"係流料的流。