寶安商會溫浩根小學開放日

啱啱先入讀幼稚園bb班，今日又去參觀小學，係樓下行幾步就到的寶安商會溫浩根小學。裡面比我看外表想像中大，不過就舊咗小小但係保養得都幾好。

在操場玩遊戲，又係爸爸玩得開心投入過佢。之後上學校圖書館睇書，寬敞又舒服，恩祈揀到好多佢喜愛的書(咪又係Disney Princess個類)，睇得好興致勃勃。

扮彈古箏？

音樂室有好多部數碼鋼琴，我哋細個音樂堂邊有琴學o甘好架？而家仲話小班教學、活動教學、又有大把興趣班，仲有西人教英文拼音(以前我哋要周街搵鬼佬訪問)而家番學真係好幸福呀！要多多珍惜。

玩完人哋open day後已雙手抱滿禮物，真係要睇多幾間或者幾十間。