來到第四天，是市內觀光了，第一站就是青瓦台總統府，怕羞又有型的影相仔Hany幫大家影張團體照先。
今天天色又很藍，恩祈愛站在已變成硬冰的雪上玩，很開心，亦在此地拍了很多照片。
第二個行程是附近的"三清洞"，好漂亮和獨特的一區。
恩祈背後就是"景福宮"，以前帶團時必去景點，現在就沒有旅行團會再去了。
行完人蔘、護肝寶同化妝品專門店，就去食"硫磺鴨宴"。
我唔鍾意鴨的味道，就叫咗個辣豆腐湯，只係5000won.我仲分比幾個團友一齊飲，個導遊後來仲話請我飲唔肯收錢，又加送每人一客石頭飯。
之後就滿心歡喜行明洞，我哋有成四個多小時自由時間，相信冇一個團的導遊咁好人比行咁耐(有時間都做自費節目，係得佢咁另類)，明洞好似尖沙咀咁，不過街頭都係化妝品店居多，我用過Missha呢度買平好多。
街頭買了長長的炸薯仔片食，好好味！我哋睇咗好耐，研究佢點將一個薯仔串成咁又唔斷再去炸，好快好似魔術咁。
大把時間，去咗間商場五樓的Cafe des Verts 嘆茶，高檔Cafe茶餐只係$40抵過大家樂。
然後行去對面的南大門，好似女人街的街邊擋，冇乜啱睇又番去明洞入口的呢間麵館，見到滿晒座我哋就買咗盒外賣餃子(恩祈好鍾意食餃子)在門口坐住食，5500won有成十二個都幾平又飽，跟住番去新世界百貨門口集合，呢間百貨唔似一般百貨，好高級，裡面個洗手間好大好似精品店，仲有個廳真係好靚。
搭咗個多小時車番今晚住的酒店，在仁川的Golden Sky Hotel.似住宅式酒店有廚房有大露台對住個海(不過咁凍都唔會開窗)，今晚有明星來拍戲大堂迫滿人，在露台仲望到放煙花呢！
雖然只來數天，但恩祈都有追韓劇，是關於廚師的，夜啲仲有"大長今"睇。
我一個人帶住細路儘量都會買少啲嘢，其實旅行去得多我都唔鍾意買嘢嚟拎，除非又平又細件啦....買咗Missha幾件嘢卻有多多贈品，另外靚靚髮夾只係1000won($7)好平仲係made in Korea.
沒有留言:
張貼留言