之後老師教小朋友做頂生日帽，我最憎做手工，叫daddy負責，佢揀咗隻熊貓，後來睇到隻熊貓除咗對眼係紅色(？)之外，成塊面都油晒黑色好肉酸，人哋啲公仔都幾靚我就責難於daddy，佢反駁話人哋係父母捉住隻手畫梗靚啲，原來真係恩祈自己油，o甘就算啦。
恩祈睇住澄澄畫隻兔仔，好似話：妳又畫得幾好喎！澄澄話：梗係啦，我有個開班教畫畫嘅daddy呀！
頂帽幾恐佈！都唔襯我嘅小公主。
生日會開始，食嘢啦！真估唔到幼稚園俾啲o甘嘅junk food啲兩歲細路食，恩祈雖然夾好多，但只係食咗件蛋糕同一粒魚肉燒賣，其他佢就交番比我哋搞掂，佢慣咗啦，見到汽水、香腸、蝦條都不為所動，會話：呢啲係大人食架、媽咪食呀！爸爸話佢係大食但唔係為食。
澄澄食嘢都成個淑女，恩祈就......狼吞虎嚥。
每位小朋友仲有份生日禮物，就係呢set beach toys(恩祈己經有兩set又多一set)
學校仲派咗本兒歌集俾學生，這就算是恩祈第一本書。
放學後我叫恩祈同鍾校長拜拜，佢居然在校長面前肆無忌憚的挖鼻孔！
都唔知仲會唔會收佢讀書。我已經教過佢要用紙巾抹鼻，番屋企再提醒佢唔好在人面前甘做好無禮貌，雖然係童真希望佢會記得唔好再做啦，不過佢有時真係好多鼻c架！
沒有留言:
張貼留言