兩點十五分在牛媽媽的家等搾牛奶，星期日比較多人，個天又曬，等人哋玩完至施施然過去，果然不用排隊之餘因最後幾個仲可慢慢玩，隻乳牛仲有好多奶，小小力已噴奶，但今次恩祈好驚(上次在澳洲又唔怕)不肯搾，咁我去試吓，其實咁大隻牛我都有啲怯何妨個囡呢！
古靈精怪兩父女！
買奶瓶餵小羊只係50元台幣，在香港要50元港幣，呢度樣樣都好抵玩！支奶好快就餵完，呢啲好啱小朋友玩，恩祈好開心。
騎馬又係好抵呀，今次係恩祈第二次騎馬了(上次在新加坡)。
三點餵小牛喝奶，這是免費活動，我哋又係冇排隊，等見啲人排完玩完至行過去，所剩幾支奶都比晒我哋。但係對於小孩來說，餵小牛不比小羊容易，佢哋好大力會搶奶，恩祈餵緊支奶就比隻牛仔扯走，仲嚇親佢，所以呢個活動，起碼十歲八歲夠力至啱玩，除非啲牛好飽或好細隻啦。
daddy變成打孖餵牛仔。
天色咁靚，草原咁綠，白雪雪的可愛牛奶熊都要影吓寫真。
玩完去飲牧場送的牛乳，但有太多糖分太甜唔夠香。牛奶都係北海道同澳紐的最好味道。
可以攞房了，我們住的是木屋式別墅，要住客用key card至可進入。
這是只有一間的"尊榮麗景"套房，是四人房，連早餐加入場費要hkd$1300一晚，都幾貴，但係間房好大，張床更大到可以瞓四個人，今晚婆婆一個人瞓一張床好舒服呀！
今日母親節，牧場每位母親住客都獲贈一支康乃馨呢！
這是從二樓影下去的"牧場原墅"交誼廳，今晚好似冇乜住客，我哋包咗個客廳玩。
晚上到飛牛餐廳吃中菜，叫了五個菜，估唔到都唔細碟(因為幾平)，啲嘢都好好味好惹味，只係兩三百元港紙食餐母親節飯，香港一定唔得咯。
晚上牧場滿天星星，仲可以照田雞，城市人來到感到好relax.
晚上八點仲有免費DIY活動，係動手做甜點。
用綠茶粉做皮同芋頭蓉做餡，但佢哋落咗太多芋蓉，搞到露晒餡。不過整完熱辣辣都好好食。(等蒸熟期間都有啲好搞笑遊戲玩嘅)
行番去牧場原墅又落大廳玩。
仲上網玩Barbie's game.
真係好温馨的家的感覺。
沒有留言:
張貼留言