Kinzania Seoul比東京少好多好多人，一入場見到大韓航空居然冇人排隊，即刻去做空中小姐，上次去東京ANA連預約的機會都冇，由開始爆到尾，呢度想玩乜都有，不過冇得預約，全部要小朋友自己排隊。
KE套制服有埋頭篐好可愛呢！(雖然只係開咗兩年，不過呢度啲製服比起東京係殘舊啲)
恩祈在飛機內工作我只係可以從電視中看到，雖然佢唔識韓文都照樣口郁郁跟住講，之後仲見佢推餐車派發飛機餐。
做完仲有8蚊人工派。
跟住去隔離間Beauty Salon做客人油指甲，佢未試過油，我知佢想試就比佢試吓。
由上面位姐姐(都係小朋友)幫恩祈油指甲，但油到周圍都係，結果都係由導師(下面個大人)幫佢再油，有白色同粉紅色，恩祈揀咗粉紅色，再加閃粉，靚靚！
後來佢見到啲小朋友有個綠色掛在心口的銀包好想要，其實同我哋上次在東京Kidzania的三井銀行送的一樣(不過我哋遺失在北海道的回程飛機上)，我便以為去銀行開戶口就有，點知只有一張提款咭。
有識英文的職員叫我哋再去另一處申請，唔知申請咗張乜嘢証有相的，仲要比錢$15，又收多錢$15結果冇咗30蚊(我哋入場得50蚊比我哋)，後來發現個綠色銀包要比真錢買的，差唔多成港紙一百蚊，我唔肯買因為在日本唔駛錢的。
第三份工在醫院的Nursery room湊初生bb，又係上樓上冇得親眼睇只睇電視，要佢等25分鐘然後做工又要25分鐘，我趁機上二樓Parent's Lounge飲杯咖啡抖抖，嗰度好舒服，有如小影院般的大電視，一字型排開的電腦比家長上網，當然也有收得好順的wifi啦。
恩祈話佢湊個bb係女仔，軟淋淋的，用真梘液同佢冲涼、換片、餵奶，之後放回bb床上，搞掂，又出糧！
而第四份工就在傳統Korean Cake House製作韓式糕點，yummy!
恩祈親手整的糕點，似糯米糍，真的好好味！
希望0830pm關門前再打多兩份工，見到有間好別緻的小酒店，又見佢0730pm開始只做20分鐘，就去報名，每場只收四人，兩人做reception兩人做房務員，恩祈唔識字當然被派去執房。
見到佢哋不停對住張單寫嘢，我以為恩祈實好悶，點知佢話最鍾意就係做房務員，原來佢話張清單上不是字全是圖畫，照圖check有冇所需物品，有就tick冇就補貨，執好間房，但可能佢慢，check咗好耐(啲職員好有耐性而另外位小朋友姐姐又好錫佢幫佢)，成八點至玩完，其他工都收工冇得再玩了。
本來下一場想趕做Paris Baguette.做唔到就幫襯佢食麵包同三文治啦。之前有提意過恩祈做熱門的消防員(係Samsung的)，佢又唔鍾意，仲有加油員係現代車廠的，點知入油抹車都話要去考車牌我哋又費事......呢度啲工種同東京有啲唔同，但都各有本國的特色，funny!但呢度悠悠閒閒都做到五份工(上次在東京只有3份)，入場費一大一小上次五百蚊今次三百幾，我都係鍾意呢度舒服啲。
離開時問工作人員邊度有的士搭，好nice帶埋我哋出去指比我哋睇，就在呢層外面。搭番酒店要50分鐘！的士費講定價都要成五萬won(事實真係遠)，同Kidzania的入場費差唔多呢！
但好滿足，估唔到嚟韓國跟團都可自己去玩Kidzania.
離開時問工作人員邊度有的士搭，好nice帶埋我哋出去指比我哋睇，就在呢層外面。搭番酒店要50分鐘！的士費講定價都要成五萬won(事實真係遠)，同Kidzania的入場費差唔多呢！
但好滿足，估唔到嚟韓國跟團都可自己去玩Kidzania.
沒有留言:
張貼留言