下學期請咗好多日假去旅行，當然再得不到"勤到獎"(上幼A班都冇人得到)，不過在散學日當日恩祈得到個"德育之星"獎，雖然"學業進步獎"冇份(班上只有這兩項獎)，但班主任林老師話只有表現最乖巧的同學至可做"德育之星"，我當然好高興同滿意，因為早期教育我最注重就係品德方面，學業反而是其次呢！
作為家長的我都有獎，獎品就係下面份小朋友玩意。
到咗家長日，就係派成績表的一日，未見林老師之前見到助教潘老師，佢大讚恩祈個腦轉數快、好乖，剩係睇佢畫畫就知佢幾用心........想當初初入學時佢都未懂正確執筆好費力好討厭填色，我叫林老師多加留意，到現在極喜歡繪畫，在家都好專心可畫上一個半個鐘，轉變非常之大，仲有語言能力同思考能力都在這學年進步很多，對學校的教導我非常感謝。
見到林老師，其實都好熟都冇乜嘢講，佢問番我覺得恩祈有乜嘢問題，我話佢會唔會唔夠主動同學習能力弱啲。林老師話唔係，佢話恩祈而家都主動好多同識得保護自己，而英文堂上佢全聽得明白Miss Sara所教啲嘢(全英語)，同其他同學亦很要好。
恩祈的第一份成績表，所有都係"表現良好"係最高級別。
仲有一堆獎狀，其中"紀律飲食"取得金獎係必定啦，佢係好健康飲食的孩子。
我真係好喜歡呢間學校，嚴格得來又會循循善誘，對學業、品格都會重視，老師同學校環境都好，而且這一年搞咗好多活動，豐富到連我哋全家都好投入，親子感情大增。
暑假開始第一天，恩祈就問："我今日係唔係番低班啦？"我話放完暑假至番，佢失望地話:"又係玩呀? " 佢鍾意番學多過日日玩喎！
乖乖女呀！**************************************************************************
學校送俾家長的vcd.有學生全年的學習紀錄，珍貴！
2010.04.27 參觀港鐵東涌站及2010.05.05 水的浮沉實驗。
2010.05.18 到文東路公園寫生
2010.05.28 "五月之星生日會"
好唔捨得A班的同學仔，下年度會番B班，部份同學再見了。
沒有留言:
張貼留言