蒙特梭利班的進展 (3歲2個月)

恩祈番咗個多月IC的蒙特梭利大仔班，佢番得好開心，又話有玩切嘢、波子同盒仔，佢番學好識自動自覺執好自己嘢，好有條理同好尊重老師(同係屋企有時會愛理不理好唔同)，睇得出佢好緊張番montessori.上周問番Miss Helen佢上課的情況，話佢都係太細，仍是試玩盒仔階段(未正式開Jelic簿紀錄)，但每次都在鼓勵下可完成一個盒仔(共6頁)，比起初期佢好易話唔識就走開放棄，而家就有咗自信心同進步咗好多。其餘恩祈最喜歡的就是玩切開蘋果學分數，而我認為佢番IC的最大得著就是她的尊注力不斷提高，回到家可以獨自玩puzzle、lego同睇書好耐，而專注力就是學習的首要條件。

最近Jasmine姐姐比咗啲小一的課本恩祈睇(之前比的K2書仔已背到熟晒)，佢話呢啲係Jasmine啲叻叻書，佢顯得好有興趣，因為有啲內容好似係Family同school佢都未接觸過，當然只係當通識同佢閒話家常的睇而並非唸書......另外逢周一同周三都可以到樓下的圖書車借童書，因為睇完先再借，家中實在放不下太多書了。

小一的書都好深，尤其數學睇到佢"R"晒頭。