IC Montessori/Jelic Class (4歲1個月)

2010.07.09    今日約咗IC Miss Helen傾計，原來Jason今日補堂，同恩祈一齊上堂。

Montessori classroom有好多自然科學教具，教識咗恩祈好多好似人體、大自然、地理嗰類知識......總之佢嘅好行為、正確態度同課外知識都係呢度學到好多。

Miss Helen話恩祈好聰明但好純，要教佢學多啲自己去爭取，唔係樣樣嘢都讓晒比人(從小就教佢分享同禮讓怎料太成功有反效果又要再調教，唉！)最近在課室好喜歡畫畫同砂字板(用手指寫英文字母)，而Jelic Box亦有教數學的元素，怪唔之得最近發現佢無端端識自己玩啲加減數遊戲。

呢三張相係Miss Helen在堂上影恩祈，睇到相恩祈就會詳細解釋佢玩過啲咩嘢....
下面就係佢獨自做緊Jelic Box的情形。之前blog友宗熹媽(佢教過Jelic )話過開盒係一個好麻煩的程序。Level 3是思考的開始，並讚過恩祈能夠一開始便可以從Level 3玩起，便知道她可以做到合作／專心／自我思考等的能力，值得鼓舞！

上個星期在教會同Jason做填色時我讚過佢咁細個識串自己個名，我話恩祈都未識，點知我一番去睇番恩祈，佢就在紙上寫YANKIE.佢都未正式學寫字(只係手指練砂字板)，能夠主動去學都唔錯，之前佢成日倒轉晒啲字我以為佢學習障礙仲叫佢唔好咁早亂寫，最近佢學習速度快咗(我覺得佢比其他同齡孩子慢幾個月)就由得佢。

上面寫啲字仲加埋花紋佢話係公主字，LO係佢個姓....
仲叫daddy串Happy Birthday個字，憑聽覺逐個字寫番出嚟。