好唔專心又成日問彈完未，同埋彈錯key又唔比我教......其實咁細個都係正常嘅。
我認真同佢講：學彈琴的話一定要專心，一定要勤練，學音樂一定要用個心去聆聽每一個音符，不是但求跟琴譜按下琴鍵就算，只要肯用個心去聽就算閉上眼睛都識彈番邊個音。
做唔到以上幾點就唔駛學啦....
跟住第二周明顯用心咗同跟到啲key連拍子都有啲，雖然第二堂只學左右手各三、四個音同埋Miss Jo Jo話唔駛學拍子住只要學好手勢先，但我希望佢由開始就認真去學同珍惜可以學琴的機會。
佢而家每日都會自動練琴大約三至四十分鐘，唔駛我睇住(當然我有間中偷睇同聽住有彈錯同佢會講番)，算令我暫時放心。
為咗獎賞恩祈第二周好用心練琴同有進步
今日同佢睇咗3D魔髮奇緣(其實係3 Screen全年通行証請的)
無預期到會咁好睇同好浪漫，3D效果又自然，好睇過公主與青蛙。
仲去完食茶餐同甜品，又靜雞雞買咗個小娃娃比佢作鼓勵，佢好surprise！
另外老公今日終於在機場買到呢本雜誌+Agnes b 袋送比我，
靚過同好質料過我上次去日本買的雜誌+Agnes b袋好多呢。happy :)
沒有留言:
張貼留言