可譽幼稚園開放日

2009.10.17    今日在秋天舒適的天氣下，步行二十分鐘去逸東，沿途青翠樹林夾雜少許黃葉，正好教吓恩祈夏轉秋的改變。

目的地係可譽幼稚園，今日開放日，恩祈坐在圖書角學扣鈕，佢已經扣得好叻不用十秒搞掂。

又扮老師用大本故事書教公仔，我就讀咗三本圖書比佢聽，然後佢又砌咗兩塊木砌圖，呢度啲教材好正好豐富。

學校的面積好大，逸東的幼稚園比富東真係大同新得多。尤其個音樂室有保良局三個o甘大，仲有三角琴呢！連舞獅都有喎。

另一房間係啲用來做角色扮演的場地，有仿真餐廳同像真度極高的診所，有齊晒配藥同病歷咭好搞笑，恩祈扮病人排咗好耐隊都未到佢，因為個口罩醫生搞極都唔識同上一位病人量血壓(個小童血壓計係真架)，wakakaka!

我套大廚制服幾型呀！係少咗粒鈕啫，仲有圍裙好pro呢！

認真地煮食.....

又認真地洗蔬菜

切餅學分數，個蛋糕連蠟燭係實木做，好montessori呀，I like it!

以前恩祈都曾著過空姐制服但係超大件，而家佢高咗都仲係大件咗少少，不過都算似模似樣。

仲有架飛機做場景，佢唔肯坐機頭要留番比機長坐。

終於等到套護士制服，佢話最鍾意扮姑娘，睇羅姑娘支針筒幾巨型，病人...快走呀！

好嬌俏的姑娘呀！

夠鐘放學啦！仲要玩埋滑梯同車車......呢間幼稚園係我所參觀幾間設備至正的一間，但係恩祈有投訴：佢話冇茶點嘅？學校啲姐姐聽到笑住話會改進，童言無忌，haha!