佢有別於其他幼稚園嘅open day好似開嘉年華，而係由一位老師帶住所有家長一齊參觀好似行tour o甘，間學校又細又舊最難頂係男女同廁，不過我又好鍾意佢啲老師好有heart o甘，又好注重小朋友嘅品格同各樣發展，行嘅係活動教學同專題研習，亦備有學生檔案......總之係硬件(設施)唔好但軟件(人同教學)好，以前以為小朋友番全日好可憐，但見到佢哋好開心而且好有禮貌又有規舉，好似在一個大家庭，學習規律生活，令我對番full day改觀晒，我都幾鍾意可以考慮吓，因此先遞報名表為K1留位先。
順道去埋隔離的活力幼稚園參觀，門口位Miss次次見佢都黑面兼態度欠佳，但係入面真係又大又靚又光猛，而且有好多玩具......不過恩祈一見有太多彩色玩具就不能集中會crazy.所以其實係唔多適合佢，等遲啲正式open day至再睇真啲。
沒有留言:
張貼留言