在Citin Hotel取回行李後，搭咗8蚊的士，約十分鐘到咗第二晚的酒店：Bella Vista.
上面張相係官網由遠景隔河影的，背山面海，成個廸士尼童話式的城堡，拍照非常漂亮，怎也想不到二百多元(係港幣喎)就可入住。
事實上外型都好靚的，但表裡不一，外表是堡壘大堂四周卻又像中式又似馬拉式，房間是西式，不倫不類，而且馬拉人的管理不知所謂。不過以這價錢住這間位於市區又望海的酒店，忍耐小小仍是值得的。幸好訂的是新式裝修的deluxe room(都係350蚊)很不錯房同洗手間都靚(其他房類雖然大但很舊難接受)。
只係五點幾，這裡七點零鐘才日落，趁此golden moment,涼涼地都落泳池玩吓(浮羅交怡現在的天氣最正，陽光燦爛卻又有涼風唔會流汗嘅)。
露天泳池, 與海平面連成一線... 日落景色美不勝收....最肉酸係掛晒啲燈籠唔知搞乜，美景都扣咗分，都話啲人搞到間靚酒店都不倫不類啦。
泳池前面係向海，後面就係望城堡，環境：靚靚靚！
流住鼻水都要玩水的恩祈。
即使不在泳池, 也可在電梯口的大露台看日落, 景色醉人。
梳洗後行過條臭河過酒店對面的食店搵食，呢度少華人好難搵到華人餐館，但好在出名平靚正的中式海鮮店Wonderland歡樂天就在這裡。
八點到好多人要等位，叫定嘢食等咗15分鐘有檯都要等，好在嚟個炒飯先恩祈好肚餓呀，特別好食。
恩祈食咗碟飯都飽，事實佢最憎人食海鮮，因為只有爸爸食蟹要食好耐。
其實我一向對海鮮麻麻，而家都算o.k.但我總嫌貴都係鍾意食泰菜、西餐嗰啲。叫咗隻大虎蝦，真係好大隻有恩祈個頭咁大，不過被啲炸蒜茸蓋住晒同角度問題好似唔太大，成49蚊(hkd$130)隻！碟蟹都係20蚊碟咋。不過老公話香港仲貴而且呢度好新鮮，又真係幾多肉彈牙連啲炸蒜茸都好香怕熱氣都幾乎比我食晒。
食飽飽又行番去對面間城堡酒店，今晚天上好多星星，同恩祈一齊數。今日整天行程都好順利，我以為今日會係四日中最好玩的一天，好滿足！但估唔到原來第三日去的地方係咁正都係一樣咁好玩嘅。Thank God!
沒有留言:
張貼留言