離開富良野，大約半小時車程到達美瑛，只去咗北西之展望公園(一場來到只有一觀光點兼只停半個鐘太浪費！無奈！)
上咗金字塔形的觀景台，可眺望美瑛最著名的如波浪起伏的丘陵景色。
我問導遊呢度係屬於觀景之路Panoramic定拼布之路Patchwork？佢居然比個O嘴我，都唔知佢扮無知定真唔知.......番去查書先知道係屬於拼布之路，即係一塊塊花田同麥田拼湊在一起，像塊丘陵上的拼布，可惜現在冇花，將來有機會要在暑假再來一趟。
以前睇過齊藤由貴的video見她在北海道一帶起伏的花田上奔走，好靚好可愛印象好深刻，我叫恩祈都效法吓。
假如天清氣朗，就可看到背後的大雪山連峰。
開滿花的拼布之路係咁嘅，靚死人！
三個小時車程返到札幌，今晚係任食鐵板燒，但係啲肉尤其牛肉太鞋太硬都食唔到，好彩除BBQ food外有好多嘢食，甜品好多款都好好食，飲品都大多係任飲，恩祈最愛食壽司的幾開心呀！縱橫遊日本參加過兩次包餐算多亦唔錯，好過上次跟新華去東京多多聲，不過上次新華個guide正好多，雖然個個都係top sales但呢個更只係講乜嘢都hard sell.都唔講吓大家想聽的日本現況，一句不提。
我食嘢時恩祈又不停的畫，連broading pass背面都比佢畫埋，畫咗薰衣草同比雲遮住的大雪山，佢叫十勝岳連峰都係叫做富士山，總之佢將日本啲山都當係富士山。
沒有留言:
張貼留言