今日都係在Ibis食早餐buffet.之後check out同book咗呢架van仔去Banyan Tree.由幾百蚊的酒店搬去旺季會成萬蚊一晚的Villa真係好興奮！不過我都要提吓Ibis Samui係我好滿意的酒店，我寫完comments比Accor(酒店集團)之後幾小時，呢間Ibis的G.M.即刻回e-mail比我話好多謝對佢哋的正面評價，好有誠意的管理層.....相反Banyan Tree我有投訴卻冇reply
唔同級數嘅酒店要求當然唔同，但估唔到三星級會做得好過五星級，奇怪奇怪！
途經View Point落車影張相，好可惜今天又是密雲。
大約十點半，到達夢想的天堂Banyan Tree.一到埗就成了貴賓。踏進 lobby 便可望到連綿不絕的大海與整個山坡，氣勢磅礡。坐下來首先奉上迎賓花串、冰涼毛巾與welcome drinks---好味到飲完想再飲的薑蜜特飲，恩祈也有Apple Juice.
扮晒嘢好似濶太同大小姐咁。
Lobby Lounge是整個酒店景致最漂亮的地方，簡直有驚艷的感覺。(相片卻拍不出來)
恩祈對這個望遠鏡有好大興趣，想偷睇甚麼？
我們所住的別墅呀！Banyan Tree Samui 霸佔了整整一個山頭，當然住得越高越好.....
總共有 78 棟獨立泳池別墅，由 Garden Pool Villa 到山頂的 Sanctuary Pool Villa 共八種房型，房間設備基本上一樣，除了有冇Jacuzzi外，就是以地段來分別 —— 位置愈高景觀愈好私隱也愈大價錢就愈貴。我哋原本訂第三種紅色的Ocean View(比Garden View三晚只貴千多元)但今次upgrade咗兩級住粉紅色的Royal Banyan Pool Villa.在map上左邊圈住第二間(G06)，高過紅色好多呀，好開心呀！
我哋個Host(管家)話由於未能比房我哋，話請我哋去食早餐buffet.我說已吃了不用客氣，她就叫我哋隨便在Lobby Lounge的menu上叫嘢食然後再帶我哋參觀酒店，係啦仲話送多個在Signature resterant "Saffron"的complimentary dinner for 2 比我哋，結果我哋餐餐飽到暈都冇乜比錢係度食過嘢。
我係咁講吓話要份三文治，就搞到成個豪華tea set比我哋....雖然羊毛出自羊身上，但service同食物係一流的。而且這裡環境同風景也是極佳，在lobby lounge居然hea咗個幾兩嗰鐘！
我哋嗰Host阿Toon開始車我哋周圍look.呢度範圍太大同Six Senses一樣要靠Buggy代步。
第一站Kids Club好多活動比細路仔玩。
恩祈見到又好happy :) 我哋仲happy,明天開始可以放佢在Kids Club我哋就二人世界啦。
再車去private beach.
Spa Centre內有Gym room我哋仲book咗架單車可以隨時踩。
聞名已久的水療中心外圍，令人感到恬靜和舒服。
未見過有其他人遊的kid's pool
參觀Spa內設施，下面個熱石床好正！
能量浴池明天會來試！
我哋兩公婆未試過Spa.....要赤條條咁比人按，考慮咗一陣，在你推我讓冇人敢試的情況下，見到有Spa產品，我問係唔係都係用呢啲嚟按摩，佢哋話係我就用咗760baht買咗支番villa自己推油，不過我哋都book咗Rainforest Spa.可以著泳衣用水力按摩。
本來話兩點至有房，但一點左右Toon收到call話房間已ready好，好興奮呢！
Villa即係一間house的設計，上面是正門入口，然後轉右至係房間大門，未見過咁高咁大的厚木門，好Grand呀！
Villa的設計是Morden Thai style.時尚且又有泰國風格。正門左面有戶外餐枱椅同泰式daybed.就好像上下圖一樣，不過我哋間Villa室外空間比下面那間還要大，而室內都是一樣的，客廳、睡房、浴室一字型排開，用高高的扇門分隔，睡房打開落地玻璃窗就可直接跳進泳池！好爽呀！尤其是晚上泳池開燈時最靚，可惜我哋五盞泳池內的燈只有一盞著，到第三晚好夜至整好，有點不滿。
沒有留言:
張貼留言