2011.08.25 等咗兩個幾月的蘇梅之旅展開了......下午機，在T2食完lunch至去check-in
大把時間，先探訪兒童遊樂區，可能係暑假，有姐姐陪小朋友玩，仲有三個手工攤位，恩祈整咗沙樽同扭花花戒指，好靚。
姐姐見有幾個小朋友，仲開飛行棋同佢哋玩，不過玩咗冇耐就要走，因為我哋個閘口仲要行好遠(討厭大機場!)
終於上咗機啦，Bangkok Airways第一次搭(以前都未聽過)係唯一直航去蘇梅的航線，飛機好細好少位，因此機位好搶手仲好貴成三千多元一張(我哋上次去浮羅交怡四日三夜連酒店三個都唔駛二千蚊)，但係架機好舊Air Asia都好佢好多。
個兒童餐來回都一模一樣，差！冇玩具只有張貼唔實的貼紙比小朋友貼圖。
終於見到泰國的雲海......但已時近黃昏了。
七點才抵達這個超迷你機場，但也因為細幾步就走出機場了(I love it!)，見到Hertz問吓租車事宜，個泰妹話佢哋只有大車冇晒細車，介紹斜對面間agent比我，我心諗細公司信唔過但佢話租24小時1200baht！咁抵，由機場搭的士番酒店20分鐘都要500baht啦，老公話係機場counter都信得過......咁因為貪平就交易啦，係架Toyota Vios新車，落地冇一個月，但我記得在泰國揸新車係冇咁好(有事好煩個啲)同要比一萬baht deposit(搞到我心掛掛怕屈錢但好彩冇)，老公一上車好似唔多掂，佢......未揸過自動波(我都係)，我問佢有冇信心？因為佢平時都係在機場範圍揸車少路面經驗，佢答有信心因為冇耐前佢至考完大巴牌都o.k.只係唔識路。咁我哋三個就正式開車番酒店啦，查實我哋間Ibis Hotel就在4169公路上，除咗盲之外都睇到，但係要走出機場的小路加上"黑孖孖"都要好小心，好在只遇過一條小分叉路又撞啱租車個泰仔坐電單車經過指點，都係半個鐘多啲就到Ibis.....yeah!第一次租車成功同安全到達啦！
我哋住的是Bo Phut區，放低行李向左就行去漁夫村，聽講行去只要20分鐘，但我哋好似行咗半個鐘至到側門口咋(可惜個度唔可以泊車)，嗰度市集細細的又在海邊好有情調，我鍾意呢度，雖然呢區會住三晚但可惜之後冇時間再嚟。
好多海邊靚靚餐廳一字型排開，揀了這間Happy Elephant大間啲比較有Family feel.
當然內有好多Elephant啦！
又有live band同泰式裝飾。
黑漆漆的背景係全海景呀!黃昏一定靚到暈最衰架機咁夜至到，不過聽住海浪聲飲嘢都好陶醉呢！
個椰青係我，借比恩祈做道具影相咋，細路仔飲清水最健康。
剩係叫咗兩碟炒飯同Pad Thai.我哋對食冇乜要求，食飽就得啦~~不過都好好食，好平埋單450baht.香港的茶餐廳食兩碟飯都差唔多，仲有啤酒椰青同海景呢！
沒有留言:
張貼留言