2011.06.03 今朝在酒店嘆咗個豐富早餐後(好彩呢間早餐有好多款式唔係住三晚就慘啦)出發去第一個行程---札幌大自然農莊。
春天來了！好多鬱金香同蒲公英盛放。
第一次吹蒲公英，恩祈叫佢做毛毛球花。
啲羊仔花都食，恩祈同我影啲相好似仲靚啲。
今日多雲冇雨，好處係冇咁曬同好涼爽(氣溫十幾二十度)。
要十一點至有餵牛仔環節......我哋九點就到只有一個鐘頭自由活動，呢度地方大導遊又唔介紹有乜嘢睇，我都明嘅唔想我哋知咁多睇咁多就可準時走.......突然間又好討厭跟團。
呢度都係我自己揾到，所以冇團友到。
一隻牛係人手揸牛奶，前面嗰隻就係由機器揸。
之前見啲牛仔都幾大隻，面對呢啲大乳牛，睇相唔覺但真實嘅好巨型，唔好話恩祈連我都有啲怕怕。
北海道的牛牛係食草嘅好幸福。
好多日本幼稚園小朋友也來參觀。
沒有留言:
張貼留言