大人池仲靚，呈半月型的Infinity Pool.
因為間間別墅都有private pool因此這裡永遠都是冇人狀態。
Private Pool雖然方便甚至可以裸泳，但講到又大又靚當然係呢個Public Pool啦。
跟住就送咗恩祈去Kid's Club玩，我哋三點去Yoga room上Yoga Class.只有三人上堂，個印度籍師傅動作好快，我跟唔上呢。daddy話仲想join Thai Boxing Class不過明天下午至有堂我哋已經上咗機走lu.
有時間仲番埋房沖個四頭Rain Shower 靚涼先。
五點再call buggy到Kid's Club接番恩祈，今日見到有好多鬼仔鬼妹，佢話玩得好開心，仲整咗張咭比我。
加埋畫咗一個椰子，係真椰子底部有個小洞已挖空了但仍有微微椰香，雖然有啲重但都帶埋番香港。
番房又繼續玩水，不過冇幾耐就落咗我哋在蘇梅遇見的唯一一次大雨。
咁就在房裡食吓生果同睇吓電視啦。
唔駛一個鐘，就變得天清氣朗。我哋book咗六點去酒店的Signature resterant "Saffron"食晚餐。
去到居然話冇我哋booking喎，好在都有位坐，不過我見有booking的座位上都有用蕉葉寫定客人姓名的。由於剛下過雨，冇得坐室外位，而在室內我哋坐的位置卻非常之熱，仲要加埋有射燈射住，我哋要求熄咗佢。
這是間高級泰國餐廳，上面張postcard背面就係我哋個Complimentary Dinner 的menu.份量多到食唔晒，但唔啱小朋友食，恩祈就在下面個Kid's menu選了Doraemon Noodle Soup.
我哋仲學人帶埋支紅酒(第一日酒店送個支)嚟飲，其實我哋都唔飲酒的，不過淡淡的就飲咗少少。
泰式小食的dip好好味。
泰式拼盤：香葉雞、軟殼螌、蝦餅、春卷。
恩祈的湯麵到，佢要轉落個kid's bowl至肯食，不過都食得唔多。
嚟碗足料"冬蔭公"湯，但就熱上加熱，在這燭光浪漫的情景下，我知道在此大力潑扇係好不雅兼唔禮貌，但真係熱死人！(complain咗)
繼續......有一杯青色的好似係石榴汁用嚟清咗剛才的冬蔭公濃味，之後上主菜，有成四碟(紅咖哩雞、炒海鮮、軟殼蟹同炒菜)再加上有好多種飯(糙米、五穀、紅米飯嗰啲)比我哋揀。
我最鍾意個甜品：芒果糯米飯+椰子雪糕，飽死都要食埋。
最後仲送多碟四色朱古力同一隻有粒香料"八角"的泰絲小象磁石貼比恩祈呢。
如果今餐要付費的話相信都要成千蚊，但而家只是要比恩祈碗湯麵幾十蚊咋。等buggy來接時，我們望到漫天都是星星好感動呀，真是一個美好的旅程，就算明天要離開都沒有甚麼不捨得，因為身心都已是極度滿足了。
番到房在床上有封host的信關於明天出發事宜，還有小食和今晚的小禮物---手機繩一條，當然也點好香薰讓我們睡個好覺，但恩祈仍要睇埋在Kid's Club借的公主dvd至肯瞓。我都用酒店提供的浴鹽泡個浴先。
沒有留言:
張貼留言