離開神鷹廣場，坐咗半個鐘車到達東方村，再搭cable car上山頂。
cable car好抵搭，大人RM.30小童RM.20新穎的纜車而且四周都是壯麗的景色，有熱帶雨林大海和小島。
比坐360有更斜更深的山谷，上到更高的山，幸好天朗氣清，否則咁高周圍一定是被雲霧包圍乜都睇唔到，幾靚都冇用。
已經望到位於708米高的Suspension Bridge.....見到都驚心動魄。
先上觀景臺望吓風景，有山景有海景仲有清新空氣。
恩祈又取出畫簿忙於寫生，有晒畫家的風範。
行咗一段唔易行的路才到觀景吊橋，條橋雖然好實淨但行過都有啲震，搖搖晃晃的感覺令我一路行都有啲腳震甚至腳仔軟，佢哋兩父女就冇嘢仲好興奮呢！
望落都咪話唔驚！But Highly Recommend！到浮羅交怡必去！不過都要睇你好唔好彩，唔係想去就有得去，呢度成日都因天氣問題而唔開！
坐番十分鐘左右的纜車落東方村Animal Farm.很小的一個地方
可以餵吓鹿同兔仔。
東方村只係遊客區好悶，我哋準備離開。
差唔多到停車場，見到有另一個兔子園，司機話可以入去玩多陣，用1蚊買咗包紅蘿蔔，啲兔仔就圍住晒恩祈。
恩祈雖然開心但其實有啲受寵若驚嚇親佢。
佢哋好似識得請請同拜拜咁，好識得搵食，十分之可愛呢！
沒有留言:
張貼留言