The Edge吃自助早餐。
在The Edge out-door看Banyan Tree風景一流，望住整個山頭和沙灘、一望無際的大海吃超豪華早餐真的好嘆好relax！
這個早餐當然是我呢啲平民食過最正的早餐。我最欣賞的居然是果汁，呢度住客唔多，但供應差不多十款果汁，全部新鮮，每日仲有兩款特別的mix juice.今朝就係下面呢兩杯，一杯有coconut一杯係熱情果再mix唔記得乜嘢，好飲到飛起，朝朝都飲好多杯嘢落肚，好在冇試過肚仔唔舒服。
高級早餐當然有壽司魚生食，恩祈初時開心到彈起，但係，泰國魚生同日本魚生的味道係完全兩回事呢！
老公食完龍蝦粥又食泰式粉麵，佢咁瘦個肚都唔知點可以裝咁多嘢的。
咖啡係order即整的，凍同熱的Mocha仲拉埋花。
休息一陣，又第二輪，有芒果糯米飯(可惜是酸的好難食)。
又試咗原板蜜糖即刮即食，用嚟揸麵包好潤。
太豐富了，簡直係Super Brunch.
恩祈食埋好好味的fresh fruit Yogurt.食完飽到晚上。
碟生果係大胃daddy的，啲人參果好香呢。
今日天色好多了，個海好清同好平靜，daddy話要去浮潛。
有兩部電腦一人玩一部。
Games room有games借仲有麻雀檯。
在Gallery買了兩張招牌post card.
單車只係踩咗兩圈，因為出面都係山路又多buggy怕危險。
落私家沙灘有好多water sports.daddy玩Kayak.佢以前在Club med玩過仲救過鬼妹，所以佢係划得幾好，仲捉咗恩祈上去出海。
膽小鬼呱呱嘈要上岸。
處處皆是浪漫的環境。
去到邊都即刻有人招呼，鋪好毛巾同比冰水過你，呢啲至係上佳服務嘛！
玩到兩點左右，call Buggy送恩祈上kids club玩，我哋三點Spa.
Banyan Tree Samui 引入了品牌首個在泰國的 Ranforest Experience.Hydrothermal Circulation 60 minute療程只需 B1,000 便可一試 。
Rainforest 是名副其實的「水療」，首先走過模仿熱帶雨林細雨的 Rain Walk，讓一陣細雨開啟療程，接著Steam蒸氣浴，然後還有冷水淋頭的 Bucket、多角度水力按摩衝擊的 Swiss Shower、泰式香草桑拿，讓你再次降溫的 Ice Fountain 等，最後則是在 Vitality Pool 中輕鬆地享受全身各部位七種不同的水力按摩，再躺在和暖的 Heated Lounger 熱石床上休息，仲有香草茶同健康零食招呼。再作Sole Therapy 腳底按摩。全程有專業的水療師在旁 stand by 解答疑難同遞上清水補充水份。如此冷熱水交替的淋浴、按摩(有人話像三溫暖)，可以增強血液循環，一個小時的療程下來，真的感覺精神爽利！
上面是一開始的Rain walk.下面冷水淋頭(影唔到個主角水桶！)都唔算好冷。其他地方就真係太黑啦。
Spa完咗後去Public infinity pool swimming.望落去beach見到恩祈，原來她被kids club姐姐帶咗落嚟玩沙同到池塘餵魚，我哋兩個就游到五點落去順道接她走。
沒有留言:
張貼留言