入到房在客廳桌上有第一個surprise----Anniversary cake同一支紅酒。
唔係cream cake好實淨但又好吃的朱古力cake.好飽肚食完當dinner.
第二個surprise----用茉莉花粒砌成的字同一束玫瑰花，冧死！
在睡房打開落地玻璃窗就可直接跳進泳池！
第三個surprise----在浴缸內set up咗玫瑰花瓣浴，好靚好浪漫呢
浸浴望泳池加海景，連刷牙都可以望住個海刷(鏡內倒影)，好幸福.....
恩祈超興奮的跑來跑去。
再加上房內好多窩心細節位如每晚有水果、小食供應，仲有埋靚咖啡機、浴鹽、拖鞋浴袍之外連沙灘拖沙灘袋都有，仲點埋香薰，真係鍾意到暈。
第一次在自己private pool游水，由房間直接跳落泳池，游完由側邊上水直接入Rain shower花灑浴室，唔會整濕間房，一流design.
暖水按摩池原來係咁好玩！
個泳池有7米 x 5米咁大，亦有1.3米深，絕唔係水池仔真係游得水，比件水泡衫恩祈在水裡玩就冇有怕。
恩祈浸花花浴話好香好香同花的倒影好靚，對她來說這個雙人bathtub真係超巨型。
這支就是在Banyan Tree Spa買的按摩油啦，塗上好香好滑，我哋兩公婆的合照都係阿囡影的，唔錯唔錯。
沖番杯靚咖啡同食件餅，我哋今日冇再出過房間，要好好享受。
恩祈諗到用花粒砌咗個心型加LOVE字送比我
佢同daddy一人一架大電視唔駛爭。
我部video機昨天跌壞咗，我只可用相機拍片，不過手動對焦有out focus。
沒有留言:
張貼留言