從大自然農莊搭多個多小時車，就到了富良野，在富田農場逗留兩個多小時，可以大影特影好開心。(不過唔開心嘅就係一場來到美麗的富良野居然只停這裡，都係自由行自由得多)
一入門口就係"花人之田"，人花競艷。
雖然薰衣草花期未到，花田的花也剛開不是太茂盛，但係影相都好靚好靚，
睇到心花怒放。最緊要係冇乜遊人，唔會似暑假人山人海，尤其係冇大陸人真係舒服！
我哋入咗溫室，恩祈又揸機做我攝影師。
溫室內就種滿薰衣草，但好似堆紫色亂草。
其他花好鮮豔好靚。
雖然花田內冇最著名的薰衣草，但此時芝櫻同鬱金香盛放。
都係第一次見識芝櫻，是長在草地上的粉紅小花，像散在地上的櫻花好可愛。
其實自六月開始最好每兩週來一次，因為啲花係此起彼落，冇可能一次睇到晒所有花類。
近半花田包括最美的彩色花田都冇花，其他都係初開好疏落呀！看看我所喜愛的魯冰花幾細小，遲多個多月整個農場就會極壯觀。
下集會去"春之彩色花田"
沒有留言:
張貼留言