泰國蘇梅島七天遊 @ day 3 2011.08.27 Chaweng

.....遊咗三個鐘頭水，番房沖涼同休息吓，間房small but clean.

六點搭hotel shuttle落旺區Chaweng.十點回程，每程50baht.

The Library係此區最新最型的Hip Hotel.好想睇吓佢個血紅色泳池。

今次嚟泰國終於比食香蕉pancake

行咗成大半個鐘至揾到Iyara Plaza.點知冇人行又冇嘢睇，想食海鮮，過對面揾到一間

生50baht一隻但鬼咁細隻，恩祈碟炒飯就大大碟。

我哋唔係好識叫海鮮又怕被人騙咁樣，個waiter見我哋唔係鬼佬就推介個990baht樣樣有的二人套餐，我哋又貪平就好啦，有炒蜆、細虎蝦、炒蟹嗰啲，都好抵。

不過我剩係覺得個魷魚圈同半邊魚好啲，其他唔新鮮咯，份量多都冇用啦，下次大膽啲散叫嚟食，我見隔離鬼佬啲好正噃。

雖然係食飽咗，但都想幫襯吓Swensen's的雪糕火煱，寫係話mini但呢九球嘢唔算少嘢。

仲有其他配料：生果、威化餅之類，雖然抵食(好似唔駛一百蚊)但係雪糕味道普通，加上唔肚餓，恩祈只係食咗一球多啲，我都唔係食好多，其餘....又係求老公幫忙搞掂。

賣相一流！

最後見有少少時間行吓港人好喜歡買的Boots.洗面同磨砂膏買一送一280baht.好大支又係英國貨咁平嘅，買咗番去試吓，唔多鍾意呀，質感好差好粗，平嘢真係未必好。