契媽同恩祈補祝生日

2009.05.19    恩祈生日契媽仍在上海工幹，等到19號先去佢office樓下的"湘川滬"補祝恩祈生日。

三個人坐在U型大sofa.恩祈掛住在sofa上跑跑跳跳食得唔多，成枱點心食唔晒。

契媽問恩祈鍾意啲咩，我就話梗係阿Belle啦！契媽立刻到停車場攞車，車我哋去尖沙咀Toy'R'us揀Belle洋娃娃。

恩祈坐係車扮揸Benz......實情係佢死都要坐後座唔肯坐司機位，我問佢點解o甘驚，佢話驚會撞車。呵呵！原來佢以為我哋真係要佢揸車做司機。

契媽請完食lunch同買公仔後仲要趕番公司開會架，Thank You！

恩祈當個Belle公仔係寶呢！

之後行商場買咗好貴的易用筷子，但可能恩祈先入為主用咗普通筷子先，居然唔知點搞呢對筷子，搞兩搞仲掉咗佢，我又比婆婆鬧嘥錢。在大眾書局買多兩張廸士尼碟，其中"睡公主"只有英語版，恩祈係都話要話識聽......佢真係識喎，番到去晚晚都話要睇Aurora.又每當我瞓著佢就扮王子話錫醒我。

仲有啲後收的生日禮物，心心媽咪送的挪亞方舟3D playset book.好立體又可講故事......同埋姑姐送的CROCS米奇款粉紅色鞋仔，好可愛喔！