就在兩年前恩祈出生的一刻切蛋糕慶祝百厭星降世！
下午上山頂繼續慶祝
恩祈今日著件外套係初生時表姨送的，條裙就係一歲生日時契媽送，到現在兩歲才穿得合身呢！
上山頂的主菜就係在Cafe Deco食飯，這裡看香港夜景最剎食，差唔多成個月前訂定位先有無敵海景窗口位，未生bb前babi & mami 最愛來candle night.今次帶埋囡囡同婆婆嚟威吓。
原來餐廳下層有個kids corner.恩祈最愛玩打電話，重真嘅一樣講：喂喂，恩祈呀，邊位？
一坐埋位waiter就遞上顏色筆同畫紙，恩祈居高臨下望住香江景色好似想畫風景畫
我哋點咗上面嘅Tartuff E Prosciutto pizza(塊風乾火腿正呀)同Saolmon Naan(啲naan bread味道一流)下面係Rib Eye steak好大塊煮得好"林"
點咗香草海鮮意粉比恩祈，點知啲香草好似辣味，恩祈狂抹條脷，好想食又唔敢食好慘.......最後佢只係食咗肉眼扒啲冇味薯蓉咋，樣樣都唔啱佢食。
不知不覺間，夜色降臨
好彩Cafe Deco送咗杯點咗一支蠟燭的雪糕新地俾壽星女，開心到恩祈呀......佢又吹蠟燭吹到成個下巴都係口水啦！個新地好大杯都幾好食，好似成$68一杯架！
我哋食飯嘅上層重有live band獻唱，幾好情調。
p.s. 今年生日禮物：除咗較早前契媽送的"福娃"歡歡，貧困的Babi居然送咗盒Lego比囡囡，佢話想恩祈有creative喎！成200多元，佔咗babi每月零用成四份一，好有心呀！thank you babi！
財政都唔多好的三舅父都送咗Dora puzzle，我就回禮Tomy車仔俾寶麒表哥
媽咪就送咗沖涼玩的字母(順便做教材)同紅彤彤的新泳衣
最錫佢的Jasmine姐姐親手繪畫的生日咭
沒有留言:
張貼留言