慈善生日會---一個不收禮物但收穫更多的生日

今年恩祈的生日在星期日，我問恩祈想去旅行定開生日會，佢當然兩樣都想，但最終都話寧願去旅行......我也討厭開生日會(參加人哋嗰啲就鍾意)因為怕麻煩，恩祈一歲同家人開過小生日會：一歲生日當日盛況，都忙到暈，不過我想每個小朋友都應該有一個生日會的美麗回憶，因此都係決定開......但我又最怕見到每次生日會後堆積如山的生日禮物，不想人家破費又要花心思(人哋買啲禮物我都未必like掉又煩放又冇位)又唔環保(我從來唔包花紙)又要客人拎到死死吓，最要命係見到細路比咁多禮物圍住以為自己係王子公主(病！)讀乜嘢蒙特梳利都一朝喪！
無意間見到有個慈善機構有搞"慈善生日會"，正合我意。

首先我比啲山區兒童片段過恩祈睇，讓她知道世上有很多極需幫助的人，最緊要係佢自願的，肯不要禮物而用來幫人，明白"施比受更有福"的快樂和道理！

(恩祈親手做的善款箱，啲字好鬼搞笑，仲要個"善"字係最大)

 

 

結果恩祈的慈善生日會共籌得善款$1402元，已全數捐作"慈福行動"資助中國扶貧工作。多謝十個家庭朋友為兒女積福並幫助內地貧民。亦令小女度過一個難忘及有意義的生日。

希望大家將來開生日會也考慮和支持，web site: 慈善生日會

2011.05.15   恩祈生日的早上，一起身我已為她準備好禮物："魔髮奇緣'的彩色圖書和樂佩公主的公仔一個......佢開心到暈！

可以梳頭同紮辮

生日會上依然有眾多"不聽話"的朋友送上禮物，佢哋都係想恩祈更開心! 又出錢又出心真令人意外兼感動！(我真係好唔好意思)一個預期沒有禮物但收穫更多(愛心)的生日，小女已擁有太多的愛，望她能擁有更多的慈---對人仁慈的心！感謝天父及各位好友！

麥記生日禮物：漢堡包餐盒

 

婆婆送上Yankie期待已久的Barbie蛋糕，一個價值$600.好靚又好大個仲好好食。

 

 

 

Jason送的自製花瓶恩祈話最鍾意。

 

 

 

 

 

 

 

 

 

 

 

 

 

 

 

 

 

 

 

 

daddy送上的玫瑰花

 

 

 

 

 

 

 

 

 

 

 

 

 

 

 

 

 

 

 

 

這是契媽早一日送的神奇畫紙套裝，可以貼到那兒就畫到那兒。

 

 

諗住唔要禮物都有咁多，可以想像正常的生日會後屋企會有幾多........too much!