三歲啦！

恩祈終於三歲啦！真係融合愛與淚的三年成長歷程。由於頭三年的成長快速，每每有驚喜，因而每月均作成長紀錄，但隨着成長速度放慢，以後將會以3-6個月或更長時間作成長札記。

現在恩祈95cm高，只有12.4kg重，這三個月又高了3cm但體重卻沒增長多少，即係感覺又瘦咗。

初生的頭幾天

恩祈兩個月

三歲的樣貌跟初生甚至一年前都相去甚遠，我覺得好似變魔術，由單眼皮光頭仔變成漂亮可人兒，性情也變得討人喜愛和懂事，變成媽咪的好朋友，愛說話、具想像力、天馬行空，學習能力高咗，亦好努力抖正發音，愛幫助別人甚至同人分享一切，肯自發認字、執玩具，亦愛做簡單的如fingerprint、paste的workbook功課，又迷上跳舞。

有時我同老公或媽媽爭執，恩祈都會做和事老，叫我哋"冷靜啲，咪打架！"我哋即刻笑番，這個女兒真是上天賜給我們的恩典。
單獨時喜歡同公仔說話，善解人意，同每位小朋友都能相處得很好。發脾氣同發惡夢都少咗好多，最嬲的時候也只是語氣稍重的說："你係個曳曳曳曳嘅人呀！"最惡毒的一句亦只是"你呢嗰曳曳曳曳食煙嘅壞人！"被我荼毒下佢認為咒人食煙即係最差。

終於可以自己吹波波樂此不疲

最心愛的玩具竟是幾塊木製蛋糕，上床瞓覺、食飯甚至看電視都好似寶貝地揸住，好在佢聽我話從不帶出街(我話帶出街會被人搶走)，因為啲蛋糕好重架。

在幼稚園playgroup中最珍而重之的就是手中這玩具爆谷。

識唱晒Here we go內book 1 的歌，其實佢都唔係睇過太多次，但可能似童謠簡單易上口，成日都唱apples are nice,apples are sweet,apples are good for me....而book 1教的英文亦全部識晒，仲時常應用，問我are you hungry？are you sleepy?真係令我好意外，因為我只係買咗這套英文教材俾佢就買啱，佢肯自動學習好驚喜，除咗英文連字母拼音佢有時都背出來(我冇問過或考過佢)，連友愛都能跟書學習到，佢同我講佢係good girl...don't fight,don't shout.唔會打架鬧交，全部都係書教的，surprise！
最喜愛我煮的蕃茄肉醬同飯，餐餐都問有冇得食......趁我煮飯時，佢自取lego砌成一支雪條，兒童的創意真無限，只要給他們自由不扼殺他。