十四個月

扮徐子祺抱千億金豬的幸福post.

呠呠！小心呀！我係無牌駕駛！



終於勉勉強強可以夾吓髮夾啦！

2007.07.19    早上到屋企隔離的東涌健康院二樓陪婆婆照肺，其間落樓下健康院同恩祈在兒童閣玩了一會，然後順道磅下重，恩祈郁來郁去(重用緊bb磅)好似有8.7kg，而我的體重又下降了，122磅比產前重輕了四磅，希望再輕多幾磅就可以著番少女時代的衫褲。
2007.07.21    今早恩祈打乞嗤和流鼻水，我决定試下睇政府醫生(第一次)，一落樓下間政府診所就有位啦，連攞藥前後都不用一小時，皆因我猜想現在要最少一天電話預約一定有好多人等唔切放棄，反而即時就有好多位，不過都要住得近至博得過，住東涌真係好，甚麽都在附近....講番恩祈，一食藥好似打一埸大仗似的，幸好食完第二次藥鼻水就收了，體温就由37.5度降至正常36.8度(仲無飲退燒水)，好叻呀！好快就好番，又可以去街玩啦！
2007.07.22    今日下午在The Aviatior 搞咗個Bk東涌媽媽會Gathering，不過今次好多男仔，又有爸爸，我發現依家d男仔重嗲重痴身，成日都要抱，好在恩祈好獨立，識行來行去自己玩，而且好小心驚跌親，因為佢知道跌到我不單不會抱她重會鬧她......今晚食飯好扭計，原來她要自己食，我唯有試下捉住佢右手餵啦，雖然好麻煩但都不算太污糟，無辦法啦！係成長過程，我無理由貪方便而一直餵她，她又不是低能，哈哈！
與可愛的晴晴b和霖霖b合照

2007.07.25    之前佢睇過廸士尼的dvd反應很好，睇得很留心和開心，我當然唔會幾萬元買套回來，所以就買咗套英文兒歌dvd，其實又係婆婆送的，不過啲內容好老土和音色都麻麻，但係只要有音樂同鮮明畫面佢就好中意，尤其有爸爸媽媽同佢一齊唱她就很開心，除咗會望住電視哼歌外重好中意打電話，真係好似講緊嘢喎！
"喂？我係羅恩祈呀！我未識得講嘢住，你遲啲至打電話嚟啦！"

我揭本書仔係dvd附送的，我好鍾意唱歌仔，雖然無人聽得明！
2007.07.29    今晚總是跟著貓貓，金毛去到邊就跟到邊，但無拍牠只是咿咿哦哦同牠傾計，金毛總是避來避去覺得bb好煩。
歷史性的首張肥貓與bb合照

2007.08.02    今日去了海堤灣畔探東涌媽媽Grace同她18個月大仔仔恆恆，兩個小bb在會所玩完又到恆恆家玩玩具，玩到謝晒！

2007.08.03    爸爸同輝明叔叔都係今日生日，生日節目又係同恩祈去遊樂場，今次係去新世紀商場個遊樂場，好大同好多設施，之後輝明帶同老婆同6個月大的雪盈與我們一起到東大門食任點任食自助餐。 

2007.08.07    早一個多星期前恩祈晚上睡得不好也吃得慢成日含飯，我已猜想她可能是長大牙，但總不能令她張開大ロ，今晚她躺在大腿上狂笑我才發現左上顎長出大牙(第一臼齒)好像連犬齒也有些少白色。
2007.08.08    今日同表哥在藍天海岸的遊樂場玩到好興奮！

碰到超可愛的五個月大混血bb女

2007.08.12    在"星光無間"(係一間電影資料館)映咗好多相呀，不過恩祈似乎驚咗啲紙板明星。

隨著媽媽的喜怒哀樂作出反應，我大笑她也跟著大笑，我發怒她就扁咀，如果我吵鬧她就大哭。
活躍非常，幸好肯比媽媽拖住行路，最初都有反抗，但我對她說唔比拖就不可落地，就搞掂了，每次可拖住行15分鐘路，如果有安全的固定範圍內我就隨她自己行同玩。
下午茶有比smart fish搽麵包食，加一支冲淡一半的奶水，因她不肯飲水，清晨一餐母乳，但產量急跌因她不太愛飲了，另早、晚各一支7安士奶，及兩餐飯仔，很少吃粥仔或糊仔了。
成日攞住對拖鞋追住人要人著。識得將積木層層叠。左眼雙眼皮大致形成，同媽咪細個時情况一樣，都係左眼先所以有啲大細眼，不過媽咪好遲才有雙眼皮，要十四歲才完全雙晒。
說話方面，除了爸爸媽媽daddy外，加多咗奶奶(見到支奶)同貓貓(指住佢講)，好想叫婆婆，但叫不到個音，成日叫咗差唔多似爸爸個音，聽方面很多說話和指示都明白，尤其喜用點頭和搖頭示意，也算是一個聽話的孩子。