恩祈五歲生日會之切蛋糕

麥當勞姐姐一打開蛋糕個盒，個個女孩子都"嘩嘩聲"，恩祈就"lam"晒脷。

生日蛋糕全家福！

影相時睇見對面班小朋友，佢哋望住蛋糕想食的天真表情極趣緻。

輪到同逐位小朋友合照時刻，人人有份.....得Jason一個男仔又被恩祈冷落顯得有啲唔開心。

我覺得六歲前都可以盡情發吓公主夢嘅，之後就唔係幾好啦。

恩祈的生日願望成真：daddy在next day第一次考大巴牌就合格，多謝乖女！

同daddy & Mami一起切蛋糕，好幸福。

齊齊唱生日歌：

Barbie被解體後......恩祈又多個娃娃帶回家，係第七個啦！

原來在麥記開生日會係咁爽，乜嘢都係佢哋搞掂晒，唔駛諗唔駛煩唔駛落手落腳做，最重要係啲細路仔開心同鍾意食呢啲嘢仲有玩具呢。

食完蛋糕就開始汽球大戰，由於之後冇人開生日會，繼續玩至三點半，足足玩咗兩個鐘頭。

散會之後，再同奕彤和魚魚兩位非東涌友去最靚的兒童圖書館，恩祈帶佢哋去揀公主書睇。

然後再戰playroom....星期日的playroom居然都可以包場，開心到佢哋呀！再去食埋日本餐dinner到八點幾至歸家呀！唔記得講今朝一早佢仲去咗游水，體質異常，精力旺盛。今日Yankie真係好Happy Birthday啦。