2009年5月15日星期五天晴，小公主恩祈三歲啦！今日佢終於夢想成真，就係著住婆婆送的華麗阿Belle裙(唔該"歌莉亞"托酒店做的朋友幫手買的!)，在香港迪士尼樂園酒店的翠樂庭餐廳過咗一個難忘的生日，廸士尼的員工非常友善，成日叫恩祈做阿Belle、阿Belle地同佢打招呼同玩耍，開心到佢呀^^加上食物超班，雖然二佰多元一位buffet breakfast都物有所值。
選食早餐除咗因為較平同少人之外，就係因為晚餐少啲選擇而早餐卻出奇地豐富，除咗中式(點心、粥、粉麵)同西式(即煮蛋、腸、麥皮之類)之外，仲有日式(飯、麵豉湯)同印式(薄餅、咖喱)，同好多沙律、餅點、生果.......真係我食過最多款式同美味的早餐，最重要係食完仲有好多時間在酒店玩。
好多款式的點心，如果有埋蝦餃同腸粉就更好啦......推介係即整的叻沙，好惹味料又足。
廸士尼朋友都好敬老，氹到婆婆好開心。
恩祈本來想Daisy duck攞蛋糕同佢慶祝，點知Daisy放假，就由米奇老鼠送上生日蛋糕同禮物。
唱完生日歌，恩祈今年係自己吹熄支蠟燭架！
切蛋糕的一刻就係三年前恩祈臨盆誕生時刻......
切蛋糕好溫馨，米奇仲用手勢做出"快高長大"來祝賀恩祈。
戴上生日帽，巡視吓啲生日禮物係乜嘢。
Pluto又過來攬吓公主，佢哋同啲廸士尼員工成日過來，招呼十分好，但係食嘢時間太少，我哋只係玩咗兩個小時(其實我哋book的早餐時段係10:00-11:30am)，要我叫恩祈同啲卡通人物講bye-bye至肯走，但佢哋太熱情好快又番過來，應酬佢哋又食唔切嘢啦。
p.s.仲有下半場"廸士尼酒店玩樂篇"待續......
沒有留言:
張貼留言