Air Asia AK5053 1020am準時起飛，我訂好座位坐6ABC.從未試過坐o甘前，啲seat位係皮做，好似以前坐過的希臘內陸機一樣，感覺乾淨過布seat位好多，啲空姐冇乜得幾個餐派好舒服亦顯得好笑容同好禮貌，又唔駛做安全示範亦冇check住晒乘客帶安全帶(當然恩祈一上機就扣好又要我扣)感到好free.總之架機乜都冇反而寧捨整潔，總體來說比我想像中的budget airlines好好多同好滿意。
恩祈一上機發現話冇派headset,我就解釋因為機票好平(即係比咗好少蚊蚊$)，聽全機播的音樂唔駛揀都幾好呀！我訂個海南雞飯賣相唔好但係恩祈話好好味喎，又見到機上有child meal賣(只係rm.8唔駛18蚊)order一個有雞肉芝士漢堡、利賓納加幾張閃咭，又係幾好味又有得玩。
差唔多到望落去但見白雲朶朶心情愉快，仲未試過坐得前過個引擎影相，心想檳城一定藍天白雲勁好天......點知唔記得咗今次團友中有"貴人"，即係去親邊度都會陰天落雨招風雨個隻，一見到個機場就勁大雨呀，仲要係綿綿不絕呢。
一點多就到Penang.搭咗45分鐘的士至到我哋第一晚酒店---海灘勝地的Holiday Inn Resort.雖然望落去歷史悠久(我估至少有30年)，但resort椰林樹影，一行出泳池外就係沙灘，加上環境富有resort feel我哋都好鍾意。
入到房好大亦有少少海景，但係間房好唔妥呀！成間房濕氣極重，瀰漫著"酸、宿、臭"的味道！係勁酸宿臭呀！臭到想嘔呀尤其個枕頭，好在我同恩祈都唔用枕頭，但係張床單都唔見得乾淨，由於見蚊芝同佢細佬個兩間房都一樣o甘臭就知換房都冇用，冇眼睇！又比婆婆咿咿哦哦話未住過o甘差的酒店。
睇間房啲相聞唔到味，淨房價500蚊(我哋連早餐都係600蚊)一晚真係超值，蚊芝間房個seaview仲望多啲(但佢間房仲漏水真係要換)，總括來說都係臭到頂唔順一定冇下次。
有個簡陋的kids club,同沙巴香格里拉個冇得揮，但天真的恩祈依然樂在其中。
仍是落著唔斷氣的微微雨，酒店啲人話已經落咗3日，我問係咪雨季，佢哋居然話而家係中國鬼節......咦！
行咗去隔離間Park Royal Hotel.聽講好靚，當然係靚過我哋間Holiday Inn.不過又唔算太靚都係舊啦，但係千多元一晚就唔值啦。住另一邊隔離的兩間香格里拉都係千幾蚊，不過呢度間香記(好似叫Rasa Sayang)係國際知名頭號猛X酒店，呢啲節日我連去參觀都唔敢。
恩祈無端擺出高難度扭pat姿勢，唔知係邊度學番嚟，番香港我已禁絕佢再做呢啲post
在lobby又巧遇自由活動的gigi姨姨。
未夠六點就去咗出面條大街搵飯食，這是一間印度餐廳叫Jewel of the North.但係有東南亞嘢食，叫咗馬來炒飯、炒棵條同炒河粉，但係最好味係杯印度薑茶Masala Tea.啱晒婆婆，埋單都唔駛港紙60蚊。
食完番酒店途中Night market剛開始開檔，都係賣啲豆泥嘢，得恩祈鍾意睇。
沒有留言:
張貼留言