馬來西亞浮羅交怡四天自由行 @ DAY 1 2011.01.20 (機場一天遊)

香港機場已有新年氣氛了......我哋要飛去馬來西亞避吓寒先。

上到機恩祈自己在Arrival card上簽名

只有$45機票的飛機上是沒有娛樂節目，恩祈畫畫自娛。

食完嘢瞓醒覺佢就見到我在機上買比佢的Air Asia bear bear.陪佢一齊去浮羅交怡歎世界。

三個半鐘機程，見到白雲下的吉隆坡。

廉價機場LCCT Airport又幾好喎，機一到自己落機行入去terminal好free.唔駛等來等去，好快就入到境。

唱咗馬幣就搵地方食嘢先，第一餐麻麻哋。

我哋兩點半到K.L要等七點半先轉機，所以第一日就係機場一日遊。

同自己所愛的家人一起，原來五個鐘又唔係想像中咁難捱。

冇嘢做咪玩吓影相囉。

六點半又食嘢，內陸機場入面只有呢度食飯，仲難食啲。

cutie的飛機外型。

去到浮羅交怡差唔多夜晚九點，仲要在機場格價明早出外島，結果340蚊馬幣2大1細去芭雅島beach tour.佢哋啲價都企到好硬唔多肯講價，個價o.k.(normal都係120蚊一個)但唔係最平，算啦出嚟玩快啲走人番酒店休息好過。

呢間就係百幾蚊一晚的位於市區瓜鎮嘅酒店，由機場來只係20分鐘，明早去碼頭5分鐘好方便，想不到新裝修好乾淨企理，恩祈仲讚間房佈置好可愛。

只係瞓一晚冇乜要求，仲好滿意。