中國北京五天團@Day 2 2008.03.27

天壇>東海海鮮酒家粵菜>故宮>天安門廣場>盛宴自助晚餐連西域歌舞表演

酒店食自助餐早餐好豐富，餐廳的凳有好多款好grand架！ 

今日北京個天好藍好靚，晴空萬里，有成二十度好和暖，睇吓恩祈攞咗媽咪副"超"帶得幾有型！我哋首先去咗參觀明清兩代皇帝祭天的地方---天壇

揸旗仔扮導遊

祈年殿係天壇嘅icon

午飯後到故宮(紫禁城) 遊覽，好大好大嘅地方，結果.......同個團失散咗，累咗團友，又俾導遊xyz.........

故宮午門門囗會合番個團，就步行至天安門廣場

人民英雄紀念碑前恩祈zzz

 

2008奧運倒數時計，重有134日

今日係媽咪四十大壽，導遊領隊居然靜靜雞在晚飯餐廳為我準備咗生日蛋糕慶祝，我都未收過寫簡筆字的生日蛋糕，個樣有啲老土但食落味道都o.k.....其實二十年前我都係在北京過二十歲生日，唔知二十年後又會唔會再係度過六十大壽呢？

康泰送比我嘅生日禮物： 幾十卡重嘅"鑽石"！用嚟鑲鑽戒夠晒閃呀！ 

個自助晚餐好多嘢食，恩祈睇到啲食物嘩嘩聲好開心，食完後重有西域歌舞(似艷舞多啲)同變臉表演，恩祈好鍾意睇跳舞一路睇一路自創舞姿，我哋就睇佢跳舞睇得好開心。