日本大阪京都和歌山五天團@day 4 2009.04.02 (part.2)

神戶→和歌山→漁獲市場→千疊敷→三段璧→橋杭岩→串本臨海溫泉

續往和歌山最後一個行程---橋杭岩，我覺得呢度比較靚，奇形怪石加上夕陽彩霞，實屬美景。

返到串本浦島Harbour酒店

每間房的窗口和浴室都係海景，這是從我哋房望出去的風景。

由於是日式tatami房間，恩祈好奇的爬來爬去像隻狗仔。

這套是酒店供應的bb浴衣，恩祈合作的擺起一系列日本娃娃的post......唔知係咪佢影得太多太多相，當晚她半夜發夢突然坐起身，閉著眼睛卻用手指在臉上做個"V"字手勢，我立即襟番佢落床，我仲被婆婆鬧話唔准我再好似痴咗線迫佢影o甘多相。

去食溫泉自助餐咯！

扮晒嘢！

婆婆一路笑一路話咪影相快啲食

恩祈話怕浸熱水唔肯浸溫泉，寧願陪婆婆在房等我。間酒店好大個溫泉卻細得可憐，只有室內兩個池同戶外兩個更細的池，四個人浸已迫迫哋仲你眼望我眼，怪唔之得我見啲團友個個好似做賊o甘鬼鼠。

八點有打年糕表演，但今次唔係打年糕係打糯米糍，睇佢哋好似好易打，點知到我試我就好似冇晒力，支嘢好重又要好大力架。

恩祈又要幫媽咪手，笑死旁觀的伯伯。跟住仲分派番啲糯米糍比大家食，熱辣辣又軟綿綿，新鮮好味道。

團友姐姐又嚷著要合照。

番到房酒店已鋪好被鋪，恩祈又興奮的在上面滾來滾去。