送完婆婆番酒店同打點一下後，我同恩祈又要飛奔出去，又搭JR 京葉線經番廸士尼的舞濱站再過多個站(今次搭到快車差啲數錯站)，在新木場轉有樂町線一個站到豐洲，落車即去搵Lalaport商場，搵到又要上三樓搵Kidzania.結果四點半至到，我哋book的是四點場，即係話我哋係最後入場的人，所有工作都俾人book晒啦，而且我真係累到想死，硬著頭皮去 ANA Airlines問仲有冇得做空中小姐，答案當然係冇，仲要成晚都full晒
恩祈話好想做空姐，我話妳唔識日文都係大個啲做好啲呀！註：Kidzania是給3-15歲小朋友體驗大人工作的地方，全都是由日本企業的實物所縮小至大約三份二面積的小型社區，入場有五十元kinzos，打每份工有8元工資，但也有消費的地方，讓小朋友經歷先工作有薪金，然後可到銀行儲蓄或在社區內消費.......係小朋友都會樂此不疲的。
行前啲見到可口可樂工場，呢個都係我哋目標之一，去到先知要等至0625pm至可番工就預約咗先。
啦啦聲上二樓，去莊生醫院，有多樣工種，設有外科手術室、眼科手術室、急救室同藥房等。
但恩祈渴望同可勝任的，就只有這個新生兒室。啲bb好得意呀，見到小朋友同bb沖涼換片好認真好可愛，但預約時間同可樂一樣要六點幾(每場半小時只有四個位)，要恩祈做抉擇，佢居然揀做可樂(可能佢想試吓飲可樂係咪嘢滋味)，咁我就plan一做完可樂份工再上來book做護士。
經過附近的動物醫院，同貓貓做緊手術。
又落番一樓睇吓Mos Burger有冇位可以即場番工，點知又係要六點幾，又唔可以同時book兩場，攰到暈的我真係意興闌珊，人人嚟Kidzania都打到4-8份工，雖然我係遲咗半小時入場，但莫非我哋遠道而來只係可以做到一份工？
只係五點，漫無目的行行吓見到有人做緊急救，另一面就有人整緊雪糕。
我哋撞到Jason啦，仲有佢daddy、mami.我哋本來約好四點在門口架飛機前等，但因我哋遲到就失散了。好彩撞得番，Jason已經預約咗做飛機師(恩祈知道又嘈要做空姐啦><)，同做咗油站入油員。
Donna話見有好多即場可番工的工作呢，我個心至定番晒，我哋就一齊去搵工。
恩祈第一份工就係在ABC Cooking Studio做飯團，佢同Jason著起大廚衫幾Pro呀！
換制服預備中.......
多得有Jason daddy支長鏡至影到咁近咁靚。仲有專人教小朋友揸刀呢！嗰度啲姐姐英文都o.k.，又好有耐性同愛心，抵讚。
除帽收工啦！
排隊出糧，只有5蚊因扣咗3蚊成本費用，仲派咗張証書咭同menu
我哋嘅製成品同上面menu幅圖似嗎？
乖女第一次整嘅飯團特別好味道！Jason就只肯俾自己食，畢竟只是個剛滿三歲的男孩子嘛。
沒有留言:
張貼留言